Chrounico patouèso
Camïn dé la prisou
Aquèro vès Privas. Vous parlé dé ounze ans.
A Privas ia dé prisou, s’aco vous faï paré.
Dïn las prisou ia toujours dé marridos gents et ia, dé témps én témps, dé bravé moundé.
Eïtobé, caoucos fés, y metoun d’homés qué fan « zibu » mais y metoun maï lous allumétaïrés.
Justomèn aquélo fé, y aviè ün allumétaïré. Sé vous disiè soun noum, toutés lou counéïssè prou.
Soun fraïré l’anavo veïre ün diménché à miéjour, mais couneïssiè gaïré Privas ni las prisous.
— Excusa, Moussu, sou faï eï prumiè passant, disè mé, sous plaï, ounté soun las prisous ?
— Es defficilé d’ou expliqua d’eïci, brave homé, y faï l’aoutré, mais escouta ; vézê à quel rélougè (1), eï caïre aval ? Ana qui, fitcha ên co dé poun à sa vitro, li prénè uno chadénèto en or et, quand aouré fa lou co, ségur, qué trouvaré caoucu què vous ménara tout dret à la prisoun.
Lou counsel èro pas bouon mais lou camïn prou sûr.
Suffi què vés Privas tout lou moundé a pas la lengo o maï l’esprit dïn sa pouotcho.
Mariuset
(1) Horloger.
La Croix de l’Ardèche | 06 04 1919
Cronica patoèsa
CAMIN DE LA PRISON
Aqu’èra vèrs Privàs. Vos parle de onze ans.
A Privàs i a de prisons, s’aquò vos fai pas ren.
Dins las prisons i a totjorn de marridas gents e i a, de temps en temps, de brave monde.
Eitanben, quauquas fes, i meton d’òmes que fan « zibú » mè i meton mai los alumetaires.
Justament aquela fes, i aviá un alumetaire. Se vos disiá son nom, totes lo coneissètz pro.
Son fraire l’anava veire un dimenche a miegjorn, mè coneissiá gaire Privàs ni las prisons.
— Excusatz, Monsur, ço fai ei prumièr passant, disètz-me, s’os plai, onte son las prisons ?
— Es deficile d’o explicar d’aicí, brave òme, i fai l’autre, mè escotatz ; vesètz aquel relotgièr (1), ei caire aval ? Anatz quí, fichatz un còp de ponh a sa vitra, li prenètz una chadeneta en òr e, quand auretz fat lo còp, segur, que trovaretz quauqu’un que vos menarà tot dret a la prison.
Lo conselh èra pas bòn mè lo camin pro sur.
Sufís que vèrs Privàs tot lo monde a pas la lenga amai l’esprit dins sa pòcha.
Mariuset
(1) Horloger.
La Croix de l’Ardèche | 06 04 1919
© Denis Capian, 2015
occitan.org