Chonsou poulitico
Air de la Marseillaise
I
Chobri, Blochèro et lo boutico
Dos blans, dos blus è dos cofars,
Per ronversa lo Républico
On escoundu lious estondars (bis) ;
Moungoulfiè o chorja so roupo,
Mousu Vernet soun blon roba,
Moourin, dé Bernis ojuda
Quan chaou dina, trempoun lo soupo.
Réfrin.
Os urnos citouïens, siojen Républicains.
Vouten, vouten, è vouten qué per de Républicains.
II
Lou bouon viel témp, l’offrouso guerro,
Lo dimo, los persecutieous,
È l’esclovagé è lo misero,
Ocos liour culté, ocos liour Dieu (bis).
Disoun qué, per qué lo fomillo,
Lo religieou, lo souciéta
E nost’ounou siajoun soouva,
Chaou récoustruire lo Bostillo !
Réfrin.
III
Quos ce que faï din lious tournado
Que liours discours soun ton tosta !
O l’ovons doreïro ossemblado
Eroun noou, elous sieï counta (bis).
Lou Blochero oyo lo poraoulo,
E ressavo de naout’en bas ;
Per que dengu entressé pas,
Lou Vernet tenio lo codaoulo !
Réfrin.
IV
Omis, din lo vido privado,
Tourna réntra sé mé crésé,
L’Ordécho s’es bien diveillado,
March’os ovon è pas orièr ; (bis).
Toutés voulén lo Républico,
D’in vost’errou sé persistas
Ottroporé sieï pans dé nas,
Sieï vestos novos é cos dé trico.
Le Républicain des Cévennes | 03 10 1885
CHANÇON POLITICA
Air de la Marseillaise
I
Chabrit, Blachèra e la botica
Das blancs, das blus è das cafards,
Per ranversar la Republica
An escondut lhos estandards (bis) ;
Mongonfièr o charjat sa ropa,
Monsur Vernet son blanc rabat,
Maurin, de Bernís ajudat
Quand chau dinar, trempon la sopa.
Refrin.
As urnas citoièns, siagem Républiquèns.
Votem, votem, è votem qué per de Républiquèns.
II
Lo bòn vièlh temps, l’afrosa guèrra,
La dima, las persecucions,
È l’esclavatge è la misèra,
Aquò’s lhor culte, aquò’s lhor Dieu (bis).
Dison que, per que la familha,
La religion, la societat
E nòste onor siajon sauvats,
Chau reconstruire la Bastilha !
Refrin.
III
Quò’s ce que fai dins lhos tornadas
Que lhos discors son tant tastats !
A l’avans darrèira assemblada
Èron nòu, elos sièis comptats (bis).
Lo Blachèra aiá la paraula,
E ressava de naut en bas ;
Per que dengú entrèsse pas,
Lo Vernet teniá la cadaula !
Refrin.
IV
Amics, dins la vida privada,
Tornatz rentrar se me cresètz,
L’Ardecha s’es bien desvelhada,
Marcha as avans è pas arièr ; (bis).
Totes volem la Republica,
Dins vòsta error se persistatz
Atraparetz sièis pans de nas,
Sièis vèstas nòvas e còps de trica.
Le Républicain des Cévennes | 03 10 1885
© Denis Capian, 2025
occitan.org