Per soun estréno

On nous écrit de Coux :

Entré omis, es de mouodo per lou prumié dé l’on dé sé faïré d’estrénos et dé bouos souhés, per nen pas perdré l’hobitudo, chaou souhaita en bouon on o nosté camaléon en chef. Nio qué lion méttu huit ou noou ons per counéissé oquélo bestio, oco prouvo qué soun pas toutés bien soven vès Cous. Car, dempieï quo odu 209 voix sé couflo coumo en dindard. Sur qué, resto maire rien qué per sé venja dos républicains qué vou soun et si lio éno chaoujo iniquo oquos oqui, qué sé li ocharno ô montoné. En exemplé : Per los journas dé prestotioun ès counten penden 3 journs dé pouéïré coumonda lou moundé dé so coumuno. Qué voulé, coumo dison lou Onglès, oquélé qu’ès brouilla pounchu pouo pas mourri cora, et oqué fomé oousélou ès brouilla tyron, et si pouio…. Mais ooubléïavous dé faïré mos estrénos. Dounc li souhaité qué resté mairo jusquo qué dengu lou poueïro plus veïré, omi doou cura qué lous amo touté jusquo oprès lo mouort. Li souhaité qué fase en escolo dé fréros vès lo Joubernio per soun prumié conseillé.

Li souhaité qué fasé faïré en bouon chomi per ona oou grond quortier, car iaro, toutés lous cos qué laï vaï o besoun dé chonja dé flonèlo.

Li souhaité qué soun counseil s’oplotisse toujou dovon élé coumo éno laouso.

Li souhaité qué choujissé toujou lous pu asés per réportiteurs.

Li souhaité qué lou sécrétoria li roppouorté 400 francs per on oou men.

Li souhaitoriou lo loi soliquo, mais o pas sooupu faïre…. et los fillos succédon pas…. Si n’en voou maï o qué vous diré.

Lou copou des aristos

La Démocratie de l’Ardèche | 30 12 1900

PER SON ESTRENA

On nous écrit de Coux :

Entre amics, es de mòda per lo prumièr de l’an de se faire d’estrenas e de bòns soèts, per ne’n pas pèrdre l’abituda, chau soetar un bòn an a nòste camaleòn en chèf. N’i a que li an metut uit o nòu ans per conéisser aquela bèstia, aquò prova que son pas totes bien sovent vèrs Cos. Car, dempuèi qu’a agut 209 voàs se confla coma un dindard. Sur que, rèsta mèra rien que per se venjar das republiquèns que vo son e si li a una chausa inica aquò’s aquí, que se li acharna a mantàner. Un exemple : Per las jornaas de prestacion es content pendent 3 jorns de poire comandar lo monde de sa comuna. Que volètz, coma disan los Anglès, aquele qu’es brolhat ponchut pòt pas morir carrat, e aquel famès aucelon es brolhat tiran, e si poiá…. Mè aubleavos de faire mas estrenas. Donc li soète que rèste mèra jusca que dengú lo poirà plus veire, amic dau curat que los ama totes jusca après la mòrt. Li soète que fase una escòla de frèras vèrs la Jauberniá per son prumièr conselhièr.

Li soète que fase faire un bòn chamin per anar au grand quartièr, car iara, totes los còps que lai vai a besonh de chanjar de flanèla.

Li soète que son conselh s’aplatisse totjorn davant ele coma una lausa.

Li soète que chausisse totjorn los pus ases per repartiters.

Li soète que lo secretariat li rapòrte 400 francs per an au mens.

Li soetariu la loà salica, mè a pas sauput faire…. e las filhas succèdan pas…. Si ne’n vòu mai a que vo dire.

Lo capon des aristòs

La Démocratie de l’Ardèche | 30 12 1900

occitan.org