1908 08 02 QUAND LO MÈRA DE VÈRS COS

Coux […]

[…]

— On nous écrit :

Quon lou mairo de ves Coux ogué supprima los proucessioun, lou cura digué o soun mounde opaouprès oquélé discours : « Vous voyez mes amis, le crime que vous avez commis en votant pour une demi douzaine de sectaires et de libres penseurs, mais prions et persévérons et nous aurons bientôt notre revanche. »

Los prièros doou cura on pas tarda o faïré effet ; on mêmo produit un miraclé, quo rudomen esbronla mos counvictioun, ieou mérous figura obé lous 5 ou 6 sectaris qué los proucessioun pouïon ni fa ni ven ni biso et mêmo qué pouïon pas aduéré éno gouto d’ailgo din los fouons. Lou résulta es pu fouor quoquo, lio éno fouon qué ses sécha, mais coumo lou bouon Dieou torobousto toujou oquiou qué amo, oquos justé la fouon doou cura qué coulo plus, si nen faïl sécha énaoutro, visté vaou demanda o faïré los proucessioun omail vaou aiyda chonta la messo o nosté cura, entré coulogos l’on sé déou bén oquo.

Mais oqué toberlo de cura omi de véni tout dreyt vès ieou per m’onounça oqué miraclé, vaï pas se ploni oou soliveau, sabé pas la respounso, mais quitté lo coumuno de suito ; per ona chercha éno fouon, mon di si lou cura mé counpren pas que légisé lo crous de demincho passa.

Possen en d’un aoutré affaïré. Lio un sagé dé ves Coux quo escri oou journaou doou bouon Dieou « mé presto de Seigneur li rendé de bouon Dieou si sé plon o rudomen touor, per estré sagé vès Coux chaou courré tout lou tem d’en oustaou o l’aoutré per veyré los fennos de Pierré ou de Paul ». Enfin nostomé sagé voou douna dé counser oou mairo qué pren per un soliveau pensé quoqué l’onimaou sagé o jourta lou roubinet quo fa sécha lo fouon doou cura, iaro mé chaou poousa en paou qué faïl chaou et bonsoir coulégo.

Lou Cura dé vès Prachy

La Démocratie de l’Ardèche | 02 08 1908

Quand lo mèra de vèrs Cos aguèt suprimat las processions, lo curat diguèt a son monde a pauc près aquele discors : « Vous voyez mes amis, le crime que vous avez commis en votant pour une demi douzaine de sectaires et de libres penseurs, mais prions et persévérons et nous aurons bientôt notre revanche. »

Las prièras dau curat an pas tardat a faire efet ; an mèma pròduit un miracle, qu’a rudament esbranlat mas conviccions, ieu m’èros figurat aube los 5 o 6 sectaris que las processions poián ni far ni vent ni bisa e mèma que poián pas aduère una gota d’aiga dins las fònts. Lo resultat es pus fòrt qu’aquò, li a una fònt que s’es sechaa, mè coma lo bòn Dieu tarabosta totjorn aquius que ama, aquò’s juste la fònt dau curat que cola plus, si ne’n fai sechar una autra, viste vau demandar a faire las processions amai vau aidar chantar la messa a nòste curat, entre cològas l’òm se deu bèn aquò.

Mè aquel taberlòc de curat a mi’ de venir tot dreit vèrs ieu per m’anonçar aquel miracle, vai pas se plànher au sòlivò, sabe pas la responsa, mè quite la comuna de suita ; per anar cherchar una fònt, m’an dit si lo curat me compren pas que legisse la crotz de demincha passaa.

Passem en d’un autre afaire. Li a un satge de vèrs Cos qu’a escrit au jornau dau bòn Dieu « me prèsta de Senhœr li rende de bòn Dieu si se planh a rudament tòrt, per èstre satge vèrs Cos chau córrer tot lo temps d’un ostau a l’autre per veire las femnas de Pière o de Pòl ». Anfèn nòste òme satge vòu donar de conselhs au mèra que pren per un sòlivò pense qu’aquel animau satge a jortat lo robinet qu’a fat sechar la fònt dau curat, iara me chau pausar un pauc que fai chaud e bònsoar colèga.

Lo Curat de vèrs Prachi

La Démocratie de l’Ardèche | 02 08 1908

occitan.org