GOZÈTO POTOUÉZO Ménâs, Oh ! là là ! qu’uno plomuzo que vènount de reçiaure lou gouvernomeint, lo cour de Cossotiau et lous Dzuifs ! Touto lo cropissorio que l’oyot troumpa lou poys, veindu lo Franço, ropport o l’offaire Dreyfus, l’o un pau sû soun gros naz. Lous douze Porisiens que l’ant dit tout n’haut, o lo façio de tout lou mounde, que lou traître l’oyot éta innouçeinta eindzustommeint, sount tout de même douze bouns bougres ! Ma, aussi ! diaupeu quotorze ans nous vouliant faire preindre de couflas per de lanternas ! Porce que lous Dzuifs, aube lous milliouns que nous ant rôba, l’oyant poya tous lous hommes poulitiques, et que l’oyant fourça lous dzudzes de lo cour de Cossotiau o dzudzâ countre lo loi (puisque lo cour de Cossotiau l’o que lou dré de dire si un dzudzomeint l’é bien où mau reindu, mais diaut toudzou reinvoyâ l’offaire dovant un autre tribunal), se creyant de faire tout ce que volount. Lou Dzury de Poris gniau z’au z’o fait vère ! et m’é z’évî que qu’é pas trop mau trovoilla. Ah ! paures Ménâs I ein qu’un teimps vivins ? que se potse faire de solouporias coummo ico, et que durount si tant de teimps ? Et dire que vous ant fait suâ tant de tsomisas ein trovoillant, per vous soutirâ lous milliards et lous milliards qu’oyas offonas, et que quellis milliards que bèlavis de boun cœû per ové uno orméïo et uno morino solidas ; quellou sacré Dreyfus, l’é lo causo que tous quellis saus et touto quello peino, qu’é quasimeint pordu I Disais me ? Que mèritoriant lous coupables ? Coummo trouvais quellou président, que l’o reçiaupu dé z’ordres dau gouvernomeint, per ossura, et que vaut pas laissâ porlâ lous témouins ? La question ne sera pas posée. Celà rentre dans l’affaire Dreyfus, allez vous asseoir. — Ma, bougre de bougre ! sû qui l’oyot tira Grégori ? Sû Dreyfus. — Per que l’oyot tira? Ropport o l’offaire Dreyfus. — Olors ? Fouliot beliau que lous témouins porlaissaint de liau rère-grand ; où de lo dorrèro plèvo ; où dau prix daus coyous gras ? Incaro, ico, z’auriant pas laissa dire, ropport Dreyfus ; peu lous gouvernants lou counnaissiant be, lou prix daus coyous gras, puisque se sount tous veindu. Tenais ; quo me fa venî lo bourro o las deints ; n’ein porlins plus ; vaut mieux porlâ un brisou de las veindémas que sount qui. Oçi, o nôtre poys, sorant bien dzeintas, ma que liau z’orrive re. Ma, préteindount que lou vi se veindro incaro plus boun mortsa que dzomais. Me siaus laissa dire que lo veindémo de poys vaudriot 8 fr. lous 100 kilos. Lasso ! oprès ové piotsa, foussa, bina très ou quatre cops ; sulfota, souffra, sulfura, vous restoro tout dzuste coummo si d’uno grosso persio, per vous bien regolâ, vous lèssavount lou creû et lo plumaillo ! Si qu’é coummo ico, qu’è pas lo peino, et, tout l’huver me volou tenî au ped dau fè et me défiôlorai pas dzouquo o lo primo, per lou proufitâ, plus teut que de lou dounnâ o putofi. Soriot bien lou cop, per lou Père François que se vaut pas faire counnaisse, de se décida o me venî vére. Gni gardoriau bien lou secret, et gni opproumetou de gni faire tustâ quauquas bravas pintas. Fosais vôtris blas, Ménâs ; lo terro l’é bien ein teimpouro, et lous aubouriaux dèvount dzomais re aux tordiaux ; laissais mouérâ lous raisïns; lou pivouâ foro mieux tsantâ. DZONOU.
Gazette d’Annonay | 26 09 1908
Mainaas,
Ò ! la la ! cuna plamusa que vènon de reciaure lo governament, la cort de Cassacion e los Juifs !
Tota la craupissariá que ’l aiá trompat lo país, vendut la França, rapòrt a l’afaire Dreyfus, l’a un pauc sus son gròs nas.
Los dose Parisièns que ’l an dit tot nau, a la fàcia de tot lo monde, que lo trètre l’aiá estat innocentat enjustament, son tot de même dose bons bogres ! Mai, aussi ! diaupuèi catòrze ans nos volián faire prendre de conflaas per de lantèrnas !
Parce que los Juifs, aube los milions que nos an raubats, ’l aián paiat tots los òmes politiques, e que ’l aián forçat los jutges de la cort de Cassacion a jutjar contre la loà (puisque la cort de Cassacion ’l a que lo dreit de dire si un jutjament ’l es bien o mau rendut, mè diau totjorn renvoiar l’afaire davant un autre tribunal), se creant de faire tot ce que vòlon. Lo Jurí de París nhòs zò z’a fait veire ! e m’es evís que qu’es pas tròp mau travalhat.
A ! paures Mainaas ! en cunt temps vivem ? que se pòsche faire de salopariás coma iquò, e que duron si tant de temps ?
E dire que vos an fait suar tant de chamisas en travalhant, per vos sostirar los miliards e los miliards qu’aiatz afanats, e que quelis miliards que bailàvitz de bon quèr per aver una armèa e una marina solidas ; quelo sacre Dreyfus, ’l es la causa que tots quelis sòus e tota quela pena, qu’es quasiment pardut !
Disètz-me ? Qué meritarián los copables ?
Coma trovètz quelo president, que ’l a reciauput de z’òrdres dau governament, per assurat, e que vòu pas laissar parlar los temoèns ?
La question ne sera pas posée. Cela rentre dans l’affaire Dreyfus, allez vous asseoir. — Mas, bogre de bogre ! sus qui ’l aiá tirat Gregòri ? Sus Dreyfus. — Perqué ’l aiá tirat ? Rapòrt a l’afaire Dreyfus. Alòrs ? Fauliá benliau que los temoèns parlèssen de lhòs rèiregrand ; o de la darrèira pluèva ; o dau pris daus caions gras ?
Encara, iquò, z’aurián pas laissat dire, rapòrt Dreyfus ; puèi los governants lo coneissián ben, lo pris daus caions gras, puisque se son tots venduts.
Tenètz ; quò me fai venir la borra a las dents ; ne’n parlem plus ; vau mièis parlar un brison de las vendèimas que son quí.
Ací, a nòstre país, saràn bien gentas, mas que lhòs arrive ren. Mas, pretendon que lo vin se vendrà encara plus bon marchat que jamai. Me siáus laissat dire que la vendèima de país vaudriá 8 fr. los 100 quilòs.
Lassa ! après aver piauchar, foçat, binat tres o quatre còps ; sulfatat, sofrat, sulfurat, vos restarà tot juste coma si d’una gròssa pèrsia, per vos bien regalar, vos laissavon lo cruèl e la plomalha ! Si qu’es coma iquò, qu’es pas la pena, e, tot l’uvèrn me vòlo tenir au pè dau fuèc e me desfiaularai pas josca a la prima, per lo profitar, plustè que de lo donar a putafin.
Sariá bien lo còp, per lo Père François que se vòu pas faire conéisser, de se decidar a me venir veire. Nhi gardariáu bien lo secrèt, e nhi aprometo de nhi faire tustar quauquas bravas pintas.
Fasètz vòstris blats, Mainaas ; la tèrra ’l es bien en tempora, e los a boriaus devon jamai ren aus tardiaus ; laissètz maürar los resims ; lo pivoà farà mièis chantar.
Janon
Gazette d’Annonay | 26 09 1908
© Denis Capian, 2025
occitan.org