Lo chostogno
I
Lou vènt branlo lous chostogniers
Sur los pèntos de los mountognos.
Prespara vostroï beou paniers
Per ocompa vostroï chostognos.
Loui bouissous bailloun au soule,
Coumo d’uno bourso duberto
Lo coumbalo n’èn toumbo alerto
Sur lou tapis de serpoulet.
II
Grimpo coumo un leste échiraou
Sur l’abre, vaillèn avalaire !
Ta vesto se faï maï d’un traou ;
Rien n’arresto lou travaillaire !
Et sous ta lato de boï blanc
Lou branchage pertout s’animo,
Et, jusque de la fïnto cimo,
Faï plore lous bouissous bronlants.
III
Petits et viers, drolos, garçous,
Agrapo èn man, gais amassairés,
Reveilla de vostroï chonsous
L’écho bruyant de nostreï cairés.
Per faïre un bien bel hérissié
Versai-li à pleno benèllo,
Los chostognos, qu’à lo chondèllo
Triorèn, lou soir, quand farofré.
IV
Nourriciéro dao Vivarais,
Dao Couerous et de los Boutiéros,
Bruno chostogno, sèns apprêts
Sur nostro taoulo, sèns maniéros
Offro-te, fruit plei de vertu,
Vèn petilla per la roustido ;
[…]
Te regreto et rêvo de Tu !
Vai Gourdou, otobre 1920.
Gabriel Faure
L’Ancien Combattant de l’Ardèche | 16 10 1920
LA CHASTANHA
Lo vent branla los chastanhièrs
Sur las pentas de las montanhas.
Preparatz vòstres bèus panièrs
Per acampar vòstras chastanhas.
Los boissons balhon au solelh,
Coma d’una borsa dubèrta
La combala ne’n tomba alèrta
Sur lo tapís de serpolet.
Grimpa coma un. lèste eschiròu
Sur l’arbre, valhent avalaire !
Ta vèsta se fai mai d’un trauc ;
Rien n’arrèsta lo travalhaire !
E sos ta lata de bòsc blanc
Lo branchatge pertot s’anima,
E, jusca de la finta cima,
Fai plòure los boissons branlants.
Petits e vièlhs, dròllas, garçons,
Agrapa en man, gais amassaires,
Revelhatz de vòstras chançons
L’ecò bruiant de nòstres caires.
Per faire un bien bèl erissièr
Versatz-li a plena benèla,
Las chastanhas, qu’a la chandèla
Triarem, lo soar, quand farà fred.
Norricièra dau Vivarés,
Daus Coirons e de las Botièras,
Bruna chastanha, sens aprèsts
Sur nòstra taula, sens manièras
Òfra-te, fruit plen de vertut,
Ven petilhar per la rostida ;
[…]
Te regreta e rèva de Tu !
Vèrs Gordon, òctòbre 1920.
Gabriel Faure
L’Ancien Combattant de l’Ardèche | 16 10 1920
© Denis Capian, 2025
occitan.org