Lou Députa dé vas nous aoutré,
i o trèntèn ans
(Air connu)
Premier couplet
Si voulé, vous dirèi doou mot
Doou députa dé moun villadjé.
I èi pas djomaï toutcha lo mo,
Mé counèissé soun vésinadjé.
Foou lou vèiré dé bouan moti,
Quand borulo ooutour dé so grandjo,
L’estiéou coumo lo Saint-Morti,
Dooubé sous esclots plé dé fandjo.
Deuxième couplet
Per bien tolia èn omourier,
Per diré si lo luno èi pléno,
N’èn trouvoré pas soun porier,
N’i o qué z’élé vas Lo Gorenno (1).
Counèi la poula qué fan d’ioou,
Lo quolita dé lo présuro,
E sublo coum’èn roussignoou
Quand èi mounta sur so vouoturo.
Troisième couplet
O Poris mé soun tchopé noou,
Dooubé so plus jolio lévito.
Ei toudjour propré coum’èn soou,
Mé foou lou vèiré quand répito.
Coumo lou djour qu’èn grand foutraou (2)
O lo Tchambro lou fout per terro.
Porèi qué sé fogué pas maou,
Hurosomèn, lou paouré pèro.
Quatrième couplet
Eici quand sooupéguèran co,
Tchoscu sé fogué lo proumesso
Dé tchoousi per èn aoutré co
Mozet (3) per régla lo noublesso.
Loou gros boroun é loou morquis
Loous estotchoro per doudzéno,
Pièi noou los oduro proqui,
Ioou forèn possa ioou bédéno.
Cinquième couplet
Quéloou moussu loou nourrirèn
Dooub’èn boussicou dé lard rancé,
O lo foundorio loou mettrèn
Per ioou faïré léva la quancé.
Pouran broma per fa dé bru :
« Vivo lou rèi ! Vivo so cliquo ! »
Loou bridorèn si soun trop dru,
Quand soliran lo Républiquo.
Gronouli
_______
- Son habitation.
- Le marquis de Dion.
- Un costeau du Pouzin.
L’Ancien Combattant de l’Ardèche | 08 06 1924
LO DEPUTAT DÉ VAS NOSAUTRES,
I A TRENTA-UN ANS
(Air connu)
Premier couplet
Si volètz, vos dirai dos mòts
Dau deputat de mon vilatge.
I ai pas jamai tochat la man,
Me coneisse son vesinatge.
Fau lo veire de bòn matin,
Quand barrutla autorn de sa granja,
L’estiu coma la Sent–Martin,
Daube sos esclòps plens de fanja.
Deuxième couplet
Per bien talhar un amorièr,
Per dire si la luna es plena,
Ne’n trovaretz pas son parièr,
N’i a que zele vars La Garena (1).
Coneis las polas que fan d’uòus,
La qualitat de la presura,
E subla coma un rossinhòu
Quand es montat sur sa voatura.
Troisième couplet
A París met son chapèl nòu,
Daube sa plus jòlia levita.
Es totjorn pròpre coma un sòu,
Me fau lo veire quand repita.
Coma lo jorn qu’un grand fotrau (2)
A la Chambra lo fot per tèrra.
Pareis que se faguèt pas mau,
Urosament, lo paure pèra.
Quatrième couplet
Aicí quand saupeguèram quò,
Chascun se faguèt la promessa
De chausir per un autre còp
Maset (3) per reglar la noblessa.
Los gròs barons e los marquís
Los estacharà per dogena,
Puèi nos los adurà pr’aquí,
Lhos farem passar lhos bedena.
Cinquième couplet
Quelos monsurs los norrirem
Daube un bossicon de lard rance,
A la fondariá los metrem
Per lhos faire levar la quance.
Porràn bramar per far de bruch :
« Viva lo rei ! Viva sa clica ! »
Los bridarem si son tròp druts,
Quand saliràn la Republica.
Granolin
_______
- Son habitation.
- Le marquis de Dion.
- Un costeau du Pouzin.
L’Ancien Combattant de l’Ardèche | 08 06 1924
© Denis Capian, 2025
occitan.org